Бизмисменот Орце Камчев се повлече од раководните позиции во неговата „Орка Холдинг“, покажуваат податоците од Централниот регистар објавени на 13.08.2019 година.

Тој се повлекол од директорското место, од извршен член на Одбор на директори, а станува член на  Неизвршен одбор заедно со неговата сестра Кристина Камчева Стојческа. На негово место како директор и член на Извршен одбор на директори доаѓа Антонио Маринковски.

Од Неизвршниот одбор на директори се повлекуваат и мајката на Камчев, Ратка Куноска Камчева и Зорица Арсовска.

Инаку сите кои се повлекуваат од функциите се осомничени во случајот „Империја“ кој го води Специјалното јавно обвинителство.

Камчев се повлекува од раководните функции во компанијата во време на случајот „Рекет“ во кој се јавува како сведок и ги лице кое ги обезбеди доказите за случајот.