Општиот суд на ЕУ денеска одлучи да ги отстрани руските милијардери Михаил Фридман и Петр Авен од списокот на лица под санкции на ЕУ поради руската инвазија врз Украина, почната во февруари 2022 година.

„Општиот суд смета дека ниту една од наведените причини не е доволно поткрепена со докази и затоа не е оправдано г. Авен и г. Фридман да бидат на споменатите списоци“, соопштија од судот со седиште во Луксембург.

Парите и имотот на Авен и Фридман беа замрзнати откако Европскиот совет воведе санкции против Русија поради нејзината инвазија на Украина.

И двајцата милијардери се главни акционери во конгломератот Алфа Груп, што ја вклучува големата руска приватна банка Алфа банка и најголемиот синџир за малопродажба на храна X5.

Судот пресуди дека милијардерите не требало да бидат на оваа листа од февруари 2022 до март 2023 година.

Со одлука во март 2023 година, ЕУ повторно воведе санкции за оние двајца милијардери кои се пожалија на санкциите.

Судот објасни дека Советот можеби имал основа да заклучи дека тие се тесно поврзани со рускиот претседател Владимир Путин, но тоа не докажува дека тие поддржувале акции или политики против Украина или дека финансиски ги поддржувале руските носителите на одлуки.