Општина Ресен најави обесштетување за жителите од Долно Перово, Прељубје и од Покрвеник, кои претрпеа штети во неодамнешниот пожар.

Големиот пожар на отворено, што се случи летово, во јули предизвика оштетувања на јаболкови насади, пчелни семејства и на други корисни површини во тој дел на Преспа.

„Барањето за пријавување на штета се добива во Општина Ресен или на веб-страницата на општината и покрај барањето, секој барател во зависност од видот на претрпената штета треба да достави дополнителна документација, поврзана со имотот и сопственоста, бројот на пчелни семејства, број на стебла и видот на културата што се одгледувала, старост во години на стеблата и други подаоци“, информираат од Општина Ресен.

Пријавувањето на штетите завршува на 23 септември, а потоа стручна општинска комисија ќе изврши проценка за надомест на штета од природни непогоди и други несреќи, односно од пожар.