Генералното собрание на ОН усвои резолуција со која 11 јули е прогласен за Меѓународен ден на сеќавање на геноцидот во Сребреница.

84 гласаа за Резолуцијата за геноцидот во Сребреница, 19 беа против, а 68 беа воздржани.

Меѓу земјите кои гласаа „ЗА“ е и Македонија која беше и ко – спонзор на истата, а одлуката за тоа сам ја донесе министерот за надворешни работи Бујар Османи.

Резолуцијата ја предложија земји кои имаат тешко историско искуство со неа – Германија и Руанда.

Текстот потоа беше спонзориран од уште 34 земји, вклучувајќи ги сите поранешни југословенски републики, освен Србија и Црна Гора.

Генералното собрание на ОН ја усвои Резолуцијата со која се утврдува „Меѓународен ден на сеќавање и комеморација на геноцидот извршен во Сребреница во 1995 година“, повикувајќи се на пресудите на Меѓународниот суд на правдата и Меѓународниот трибунал за поранешна Југославија, и нагласува дека кривичната одговорност за геноцидот е индивидуална.

Што пишува во конечниот нацрт на текстот, зошто Србија е против, како ќе се гласа и кој ќе крене рака – што стои во текстот на резолуцијата?