Само една победа ги дели кошаркарите на Олимпијакос од пласман на завршниот турнир од Евролигата во Абу Даби, Обединети Арапски Емирати.

Грчката екипа поведе со 2:0 во четвртфиналната серија победувајќи го Реал Мадрид со 77:71.

Уште еден одличен настап на Саша Везенков во дресот на Олимпијакос. Сега Бугаринот постигна 22 поени со седум скокови, одличен беше и Еван Фурние со 17 поени и пет скокови, со само две тројки.

Во редовите на шпанскиот клуб Марио Хезоња беше единствениот расположен со 22 поени и осум скокови.

Серијата сега се сели во Мадрид, каде што ќе се игра третиот натпревар.