На Фајнал-фор турнирот во кошаркарската Евролига кој се одржува во „Жалгирис Арена“ во Каунас, Литванија, екипата на Олимпијакос со 76:62 го совлада Монако.

Првото полувреме му припадна на францускиот претставник кое го доби со 12 коша разлика (41:29).

Во вториот дел се случи невиден пад на Монако, а тоа крајно го искористи грчката екипа која ја доби третата четвртина со неверојатни 27:2 за 56:43 на семафорот.

Олимпијакос успешно ја одржуваше позитивата во последните 10 минути и го обезбеди своето деветто евролигашко финале и ќе ја брка четвртата титула.

Во големото финале Олимпијакос ќе игра со подобриот од втората полуфинална пресметка во која се среќаваат шпанските гиганти Барселона и Реал Мадрид вечерва од 20.00 часот.