Кошаркарите на Оклахома се на еден чекор од пласман во полуфиналето на Западната конференција.

Нивниот триумф на гостински терен во Мемфис ќе се памети и како втор најголем пресврт во историјата на НБА лигата, откако успеаја да се вратата од „минус 29“ поени негатива против екипата од Тенеси.

Мемфис водеше со оваа разлика во текот на втората четвртина, но предноста на Гризлис се намалуваше како што одминуваше натпреварот, а по пехот на Џа Морант, играчите на Оклахома направија голем пресврт.

Оклахома беше блиску до испишување на уште поголема историја во Тенеси, односно единствениот поголем пресврт во историјата на ова натпреварување беше направено пред шест години кога Лос Анџелес Клиперс ја надмина негативата од 31 поен против Голден Стејт Вориорс.

Оклахома има уште еден чекор до обезбедување место во полуфиналето на Западот, а ќе има можност за тоа во сабота навечер во Мемфис.