Во машка конкуренција на 36 Охридски пливачки маратон триумфираше Алесио Окипинти од Италија.

Италијанецот ја исплива патеката „Климе Савин“ од Свети Наум до Охрид за 4:53.14 часа, што претставува рекорд на патеката.

Кај жените прва на целта помина Каролис Жуис од Франција, а нејзиното време е 5:05.59 часа.

Честитки на победниците на целта на Кејот на Охридското езеро им упатија македонскиот претседател Стево Пендаровски и градоначалникот на Општина Охрид, Кирил Пецаков.

Најдобра македонски пливач на овој маратон беше Евгениј Поп Ацев кој заврши на четвртата позиција со време од пет часа, осум минути и 32 секунди.

Наградниот фонд на трката изнесува 12.000 илјади евра.