Крилото на Еурофарм Пелистер, Гоце Ојлески се враќа во репрезентацијата и се очекува да настапи на ЕП во Унгарија и Словачка. Селекторот Кирил Лазаров одлучи да направи спој на младост и искуство и се очекува Ојлевски заедно со Миркуловски, Стоилов, Митревски, Марковски да им помогнат на помладите.

– Во разговор со селекторот Кирил Лазаров поради моето искуство одлучивме да се приклучам на овој собир, но тоа не значи дека ќе учествувам на ЕП. Имаме подготовки и контролни натпревари кои може да донесат секакви несакани ситуации и затоа јас сум тука и колку што можам ќе им помогнам на помладите. Во првата фаза од припремите ќе целиме кон подигнување на физичката подготвеност, па затоа и контролните натпревари ќе ни бидат добредојдени. Тие натпревари ќе ни дадат една слика за ЕП. Нема да бидеме аутсајдари на ЕП, имаме многу искусни играчи. Со овој состав можеме да се натпреваруваме со сите селекции – вели Ојлески.