Официјално: Тедеско е новиот тренер на Лајпциг
Германскиот фудбалски клуб денеска го назначи Доменик Тедеско за нов тренер кој потпиша договор до 30 јуни 2023 година.
Препорачано
Младиот стручњак (36) во последните две години седеше на клупата на руската екипа Спартак Москва, но на почетокот на 2021 година реши да се врати во Германија, за да биде со семејството за време на пандемијата на коронавирус.
Тој ќе го замени Американецот Џеси Марш, кој доби отказ по трите последователни порази во Бундеслигата и неуспешниот обид да обезбеди пласман во нокаут-фазата од Лигата на шампионите.
Лајпциг моментално ја зазема 11. позиција во германскиот шампионат, на што не можат да бидат задоволни челниците и навивачите на овој клуб, поради што решија да му дадат можност на Тедеско.
На поранешниот тренер на Шалке му претстои тешка задача да го врати тимот на врвот на германскиот фудбал, но нема да биде лесно бидејќи по 14 кола заостануваат 16 зад Баерн, а седум зад Фрајбург на четвртата позиција, која носи исто така учество во Лигата на шампионите.
Welcome to #RBLeipzig, Domenico #Tedesco! ?
The 36-year-old takes over from Jesse Marsch as head coach on a deal until June 2023.
?⚪ #WeAreLeipzig pic.twitter.com/0GWYAWoiPa
— RB Leipzig English (@RBLeipzig_EN) December 9, 2021
