Хјунг-Мин Сон потпиша нов договор на четири години со Тотенхем (до 2025), соопштија денеска официјално од премиерлигашкиот клуб.

– Голема чест е да се биде во клубот чии бои ги носам веќе шест години. Тука многу ме почитуваат и јас сум среќен во клубот. Се чувствувам како дома, особено со навивачите, играчите, стручниот штаб. Среќен сум што наскоро ќе ги видиме и навивачите на трибините – рече Сон.

Јужнокорејскиот интернационалец минатата сезона во Премиер лигата имаше 17 голови во 37 настапи.

Во 2015 година дојде во Лондон од редовите на Баер Леверкузен, севкупно за Тотенхем одигра 280 натпревари, реализираше 107 погодоци и 64 асистенции.

Потсетување дека во новата сезона екипата ќе биде предводена од новиот менаџер Нуно Еспирито Санто.

Како што известуваат британските медиуми, Тотенхем ќе се обиде со понуда од 34-39 милиони фунти да ги обезбеди услугите на централниот бек на Аталанта, Кристијан Ромеро.

Англичаните најавуваат, Кејн во трансфер вреден 187 милиони евра