Управата на Јувентус во заминување објави ревидиран финансиски извештај за периодот од јули 2021 до јуни 2022 година, во кој се подвлечени загуби од 239.300.000 милиони евра.

Тоа е за 14.700.000 милиони евра помалку од првично објавениот извештај, со тоа што во детална анализа беше објавено дека минусот за салдото кое завршува на 31.06.2021 година се зголеми од 209.000.000 на 226.800.000 евра.

Зголемувањето на минусот во касата за 12.500.000 евра најмногу е резултат на помалите приходи кои изнесуваат 37.300.000 евра. Понатаму, намалувањето на паричниот тек се должи на помалите приходи од телевизиските и медиумските права, што повторно е последица на немањето натпревари во Лигата на шампионите во однос на финансиската 2020/21 година, каде што беше остварен бенефит од натпреварувачката 2019/20 година.

Како што е соопштено, клубот размислува да користи одредени структурни механизми за покривање на целиот дефицит. Ова ќе биде предлог на следното Собрание на акционери на Јувентус.

Претседателот во заминување Андреа Ањели на состанокот на бордот на директори рече дека се почитувани сите важечки стандарди за финансиско работење, среде обвинувањата за бројни измами, главно за незаконски плаќања на играчи во екот на пандемијата на коронавирусот.

Дел Пјеро ќе ја спасува „старата дама“?