Денес во Белград се одржа генерална проба за воената парада „Моќта на единството“, која ќе се одржи во сабота, пишува Нова.

На генералната проба присуствуваа министерот за одбрана Братислав Гашиќ и началникот на Генералштабот Милан Мојсиловиќ.

Гашиќ изјави дека е „горд на секој припадник на српските вооружени сили“ и додаде дека граѓаните ќе видат „колку напреднале српските вооружени сили во последните години“.

„Граѓаните ќе можат да видат колку нашата армија напредувала во последните години во сабота, во Палатата на Србија и на кејот на Дунав, за да се уверат во силата на нашата армија, која цврсто стои на одбраната на татковината. Нашите војници се гордост на Србија“, рече Гашиќ.

На влезовите ќе има контролни пунктови за проверка на посетителите, а за безбедноста на граѓаните нема да биде дозволено внесување предмети што можат да им наштетат на други лица.

Од министерството наведуваат дека пристапот нема да биде дозволен на лица под дејство на алкохол или други опијати, како и на оние кои се однесуваат несоодветно или прикажуваат навредлива и несоодветна содржина.

Министерството нагласува дека влезот на парадата е бесплатен за возрасни граѓани и малолетници во придружба на родител или старател, брз придружба на домашни миленици.