Храната во продавниците драстично поскапи и луѓето се снаоѓаат како што знаат и умеат, но тоа не значи дека мора да се откажете од вкусните оброци. Ако треба да направите повеќе ќофтиња или шницли, а немате доволно мелено месо или едноставно сте купиле малку месо, ви откриваме трик за раскошно јадење што ќе ги одушеви штедливите домаќинки.

Сите знаат дека во меленото месо може да се додаде рендан компир или вода, но ние предлагаме уште една состојка, која е евтина и во денешно време, повеќето домаќинки веќе ја имаат дома. Во прашање се овесните снегулки. Пред да ги додадете во меленото месо, потопете ги во вода 10 минути, а потоа добро изблендирајте ги. На 300 грама мелено месо оди една чаша мелени овесни снегулки. Потоа, додајте им го ренданиот кромид, јајцето, неколку чешниња лук и една лажица гриз. Соединете ја смесата и додајте ја во меленото месо. Обликувајте ќофтиња или шницли.