На домашен терен екипата на Валенсија во најсилното шпанско првенство го покори каталонскиот гигант Барселона (86:76).

Голем придонес во триумфот на Валенсија имаше одличниот македонски репрезентативец Ненад Димитријевиќ.

Нашиот плејмејкер стигна до одлични бројки за 27 минути на паркетот кои ги помина на теренот во „Фонтета“.

Реализираше 16 поени (5/9 за два и 6/6 за еден поен), на кои придодаде седум асистенции и четири скока.

Поефикасен од Димитријевиќ беше само неговиот клупски колега, Словенецот Мајк Тоби со 17 поени, а на спротивната страна Никола Миротиќ запиша 14 коша.

По ова 20 коло од натпреварите во „Ендеса“ лигата, сега Валенсија има учинок од 13 победи и седум порази, моментно на четвртата позиција со 26 бодови, зад Реал Мадрид (34), Барселона (30) и Манреса (28).