Руските одбојкари славеа во големото дерби против САД со 3:1 во сетови (25:23,27:25,21:25,25:23) во рамки на второто коло од групата Б.
Американците подобро го отворија натпреварот но во завршницата руските одбојкари ја презедоа контролата и подобра игра успеаја да поведат со 1:0 во сетови. Најголема неизвесност на натпреварот имаше во вториот сет кој беше добиен на разлика иако одбојкарите на САД имаа предност од 23:21. Но, Русија благодарение на Волвич дојдоа до израмнување. Во самата завршница, одбојкарите на САД направиј две  сервис грешки со кои им овозможија на Русија да се вратат во игра па со поените на Волков и на Махајлов го освоија и вториот сет.

Американците возвратија во третиот сет, но немаа сили за пресврт и Русија со триумфот во четвриот сет од 25:22 да дојде до конечен триумф од 3:1. Најдобар во редовите на Русија беше Дмитри Волков со 16 освоени поени, Егор Кљука додаде 14 поени, додека кај САД се истакнаа Тејлор Сандер со 17 и Метју Андерсон со 15 освоени поени. По две кола, Русија има максимален скор, додека САД има победа и пораз.

Во второто дерби, репрезентацијата на Полска со максимални 3:0 во сетови (25:20,26:24,25:20) ја совлада Италија која е вицешампион од Игрите во Рио де Жанеиро, додека Иран ја совлада Венецуела со 3:0 во сетови.