Ден пред најљубовниот ден во годината се случуваат најголемите дилеми и потраги по совршениот подарок за партнерот или партнерката. Кога подарокот е одбран со многу љубов, неговата вредност не е значајна, но со мала помош на астрологијата овој пат потрагата ќе биде побрза или поуспешна.

Овен

Нема да погрешите доколку изберете производ за нега на коса, на пример убава четка за коса, сет козметика за коса или релаксирачки третман во некој салон за убавина. Мажот овен ќе биде презадоволен доколку на подарок добие капа, парфем или патики.

Бик

Претставниците на овој хороскопски знак се сензуални, сакаат сè да помирисаат, да допрат, да слушнат и да пробаат, па најдобро е да им подарите ароматичен парфем, шише квалитетно вино, квалитетен паричник, ЦД со нивната омилена музика и сл. На мажите можете да им подарите шал, ремен, облека за низ дома, а на жените долна облека од црна чипка, накит и цвеќе.

Близнаци

Идеален подарок за жената Близнак е книга од нивниот омилен писател, брендирани очила за сонце, парфем, телефон, таблет или лаптоп затоа што тие сакаат да бидат во тренд и во чекор со сите случувања. Мажот Овен ќе ги развесели и белезица, а жените букет, прстен, ракавици и лак за нокти.

Рак

Што и да им подарите на претставниците на овој хороскопски знак, спакувајте го внимателно, така што ќе им дадете до знаење дека ви значат, а уште повеќе ќе ги изненадите ако ставите и порака со неколку убави зборови. Овие личности сакаат квалитетни пијалаци, особено вино, мирисливи свеќи, рамки за слики, антиквитети, но и домашни миленичиња. Дамите сакаат накит со бисери, свила, крзно и цвеќиња.

Лав

Лавот ги цени убавината и хедонизмот, како и уметноста, па сигурно ќе го развеселите со влезница за некоја премиера, со уметничка слика или со шише квалитетно вино. Жената Лав нема да остане рамнодушна ако добие брендирана облека, златен накит, чанта од познат дизајнер, квалитетна шминка, но и плишана играчка.

Девица

Овие личности сакаат убави, но практични подароци, така што ако сакате да ги израдувате, нема да погрешите ако им подарите рачен часовник, интересна книга, таблет, лаптоп, мобилен телефон или милениче. Природната козметика, накитот и шминката се исто така добар избор за дамите, а за мажите сè што е поврзано со нивното хоби.

Вага

Вагите се елегантни и уживаат во сè што е убаво, било да е тоа парфем, театарска претстава, концерт или ЦД со омилената музика.Можете да им подарите и козметиката за коса, елегантен шал, нараквици или мирисливи свеќи, а на дамите бонбони, букет цвеќиња со посвета, накит, ароматична купка и сл.

Скорпија

За да ги импресионирате припадниците на овој хороскопски знак ќе мора многу да се потрудите. На мажите купете им шише квалитетен пијалак, книга, јакна или кошула потпишана од нивниот омилен дизајнер, а на жените долна облека од чипка, фустан со реси, парфем, маскара и цвеќе.

Стрелец

Како љубители на патувањата, на музиката и на спортот, идеален подарок за Стрелците е ориентален сувенир, ламба или интересно парче накит, спортска облека или влезница за концерт на нивната омилена група. Жената Стрелец ќе биде воодушевена од ракавици, очила за сонце, голема чанта или домашно милениче.

Јарец

Овие личности сакаат подароци што се практични, па добар избор за нив е историска книга или книга од областа што особено ги интересира, паричник, компјутерски делови, парфем со опоен мирис, икона, чанта, чевли, влезница за во театар. Жената Јарец ќе ја израдувате и со цвеќиња, со накит и со марама.

Водолија

Со овој знак управува Уран, симболот на новитетите, па ако навистина сакате да ги импресионирате припадниците на овој хороскопски знак, изберете нешто модерно. Тоа може да биде најновиот модел на мобилен телефон, музички уред, часовник, фотоапарат, камера, компилација од нивните омилени песни или парфем и козметика за коса, а за дамите може и фен, пегла за коса, чорапи и цвеќиња.

Риби

Оваа романтична и уметничка душа е желна за внимание, а подарокот што ќе ѝ се допадне може да биде приврзок со скапоцен камен во форма на Риби, влезница за концерт, збирка поезија, ароматично масло за масажа или парфем. На овие личности можете да им подарите и уметничка слика, книга, камера, а женските претставници на овој хороскопски знак сакаат високи потпетици, шминка, накит и цвеќиња.

ФОТО | Љубовта доаѓа преку стомакот: Катерина Алексовска, професионална слаткарка ни открива неколку десерти за Денот на вљубените

Ја славиме љубовта: Романтични идеи за подарок за Денот на вљубените

Денот на вљубените: Кој беше Валентин, светецот на романтичната љубов?