На последната седница, Управниот одбор на Фудбалската федерација на Македонија донесе нови одлуки, а една од нив вели дека Управниот одбор го усвои предлогот за промена на системот на натпревари од натпреварувачката сезона 2026/27.

Тоа значи дека од сезоната 2026/27 ќе има намалување на бројот на клубови во Првата фудбалска лига од 12 на 10, како и намалување на бројот на клубови од 16 на 14 клубови.

ФФМ продолжува со процесите на унапредување на фудбалската инфраструктура, организација и натпреварувачкиот систем, со фокус на развојот на македонскиот фудбал, а во продолжение и останатите одлуки на Управниот одбор:

– Бараж натпреварот ЖФК Речица – ЖФК Вардар за пласман во Првата женска фудбалска лига ќе се одигра на 28 мај во 11:00 часот на тренинг центарот „Петар Милошевски“ во Скопје.

– Усвоен е Правилникот за внатрешна организација и систематизација на работните места во ФФМ, со цел зголемување на ефикасноста и професионалноста во работењето.

– Избрана е компанија за реализација и опремување на ВАР соба, како дел од процесот за имплементација на ВАР систем во Прва МФЛ;

– Донесена е одлука да се преземат сите неопходни правни и административни и законски мерки за заштита на интересите на ФФМ во врска со следните стадиони:

Трибина Охрид
Трибина Кичево
Трибина Штип

– Усвоен е предлогот за одржување на он-лајн седници на комисиите на ФФМ, што ќе придонесе за поефикасна работа и полесна координација.

Комисија во состав Агим Ибраими, Игор Франговски и Сашо Здравевски ќе спроведе дополнителна анализа и ќе предложи конечни насоки за системот на натпреварување и начините на промоција и испаѓање.

– Кирил Изов е именуван за нов селектор на женската репрезентација до 19 години.
– Астрит Мерко е назначен за селектор на женската репрезентација до 15 години, на местото на Јовица Блажевски.