Карактеристичен пресврт во кариерата на Лукас Пијазон, некогаш еден од најперспективните бразилски фудбалери. Пред околу 15 години му предвидуваа блескава иднина, а како младинец мина низ сите селекции на Бразил. Во 2011 година, на само 17 години, пристигна на „Стемфорд Бриџ“ како голем талент што Челси го доведе со огромни очекувања.

Сепак, Пијазон никогаш не ја оправда довербата. За „сините“ одигра вкупно само три натпревари – два во Лига купот и еден во Премиер лигата во декември 2012, кога Челси ја победи Астон Вила со 8:0. Тогаш влезе во второто полувреме, асистираше на својот сонародник Рамирес, но промаши и пенал.

Поголем дел од времето го минуваше на позајмици отколку во Лондон. Играше во Шпанија (Малага), Холандија (Витесе), Германија (Ајнтрахт Франкфурт), Англија (Рединг, Фулам), Италија (Киево) и Португалија (Рио Аве). Подоцна, Брага го откупи неговиот договор, но по две години повторно го прати на позајмица во Бразил (Ботафого). Минатата сезона настапуваше во Португалија за АБЦ од Авеш.

Сега, на 31 година, Пиазон потпиша договор со полскиот второлигаш Вјечиста од Краков. Дојде како слободен играч и ќе ја продолжи кариерата во полската втора лига.