Сменетата потпретседателка на Европскиот парламент и приведена на почетокот на декември минатата година во истрагата „Катаргејт“, Ева Каили работи во затвор во Брисел за 0,75 евра на час, објавија белгиските медиуми.

Потпретседателката на Европскиот парламент, Гркинката Ева Каили, е под истрага за корупција поврзана со Катар

Според медиумите Каили се однесува како и секој друг затвореник и сега таа учествува во чистењето на просториите и во кујнски работи.

Пред да го изгуби статусот, Каили работела за 7.146 евра месечно и имала на располагање уште 4.778 евра месечно за патни трошоци.

Ева Каили делумно призна вина: Низ дома ѝ поминувале куфери со пари, ама не знаела чии се

Одбраната на Каили неодамна пријавила лоши услови во притворот, па дури и дека Каили во еден момент била ставена во самица поради приговорите дека не и било дозволено да се тушира.

Каили беше сместена во најновиот затвор во Белгија и еден од најмодерните во Европа и светот. Затворот е лоциран во предградието на Брисел. Обвинителите и судот го одбија нејзиното барање да биде ослободена со нараквица за следење.

Партнерот на Ева Каили прозборе пред судот: Ослободете ја неа, јас ги земав парите

Каили е обвинета дека била дел од организирана криминална група која пружала политички услуги на Мароко и Катар за паричен надомест.

Скандалот со Каили е многу сериозна повреда на угледот на ЕП, вели еврокомесарот Џентилони