Бојан Маричиќ/ Фото: Слободен печат

Оценската мисија за Судскиот совет не е ништо вонредно, досега сме имале десетина мисии, вели Маричиќ

Оценската мисија на ЕУ која што деновиве е во Македонија не треба да се сфати како нешто вонредно, бидејќи во изминатите 7-8 години сме имале десетина такви мисии, а оваа е прва по првата меѓувладина конференција што се одржа лани во јули, вели вицепремиерот за европски прашања Бојан Маричиќ.

На брифинг со новинарите тој кажа дека на Судскиот совет му треба помош и направена била оценка има потреба од подобрување, па европските експерти се дојдени за да извршат увид од начинот на неговото функционирање по што ќе дадат препорака. Според Маричиќ, законската рамка е направена согласно европските препораки, но очигледни се слабостите кои што треба да се надминат. Владата, пак е подготвена да стави на располагање секаква информација или помош на оценската мисија за да се дојде до најдобри решенија за подобрување на работата на Судскиот совет.

Што се однесува до претходните оценски мисии, Маричиќ наброи мисии за обуки во судството, за управно право, за борба против теротизмот, за предмети за корупција од висок профил, за слобода на изразување…

-Врз основа на ваква оценска мисија ние направивме измени и дополнувања на Законот за академија за судии и јавни обвинители. Како резултат на вакви оценски мисии, очекуваме препораки кои ќе треба да ја подобрат работата на независните и регулаторните тела. Како резултат на ваква оценска мисија сме имале оценски мисии за системот за јавни набавки и соодветен надзор. Сме имале и за судството и за специфични делови на судството – рече Маричиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот