Јавното Обвинителство во врска со денешните приведувања поврзани со Клиниката за онкологија, потврдува дека се извршени се претреси на три локации и задржани се четири лица. Според информации на „Слободен печат“ станува збор за екс директорот на Клиниката, доктор Нино Васев, екс економскиот директор Нехат Нухи, секретарката на директорот Елена Џонова и возачот и домар во Клиниката Спиро Дамески, а на сослушување е однесена и медицинската сестра Славица Спасовска.

До овој момент претреси се извршени на три локации а ОЈО Скопје продолжува со дејствија. Лицата што се задржани се задржани поради сомненија за кривични дела, но не е прецизирано кои. Во моментот Обвинителството смета дека не се создадени услови за подетално информирање на јавноста.

Трговија со здравје: Дали крадењето цитостатици на Онкологија открива мегамрежа за препродавање?