Германското правосудство покрена постапка против 11 хрватски навивачи кои нападнаа италијански навивачи во Лајпциг, пред натпреварот на нивната репрезентација против Италија, јавува ДПА.

Полицијата во Лајпциг во вторникот соопшти дека вкупно 11 лица се соочуваат со кривични пријави за инцидентот во кој четири лица беа повредени, а две се хоспитализирани.

Тогаш дваесетина хрватски навивачи ги нападнаа Италијанците и сега 11 од нив се соочуваат со обвинение за нанесување тешки повреди.

Натпреварот го обезбедувале околу 2.000 полицајци, кои констатирале вкупно 45 прекршоци, најмногу поради палење пиротехнички средства.

Полицијата додаде дека привела осум хрватски државјани на кои им бил забранет влез во Германија, но сепак дошле.

ВИДЕО | Српските навивачи се судрија со полицијата во Минхен