Технолошката компанија „ProptechOS“ објави нов Индекс на паметни градови за 2024 година, создаден по истражување и анализа на повеќе фактори, а Париз е на врвот на листата.

Што го прави градот паметен – дали е тоа иновативна зелена технологија, ефикасен јавен транспорт, големи можности за вработување, силен фокус на одржливоста? Според најновиот Индекс на паметни градови на технолошката компанија ProptechOS, сите горенаведени се вклучени.

Платформата анализираше сè, од пристапноста на ви-фи до бројот на дрвја, аеродроми и работни места во технологијата и го круниса новиот „најпаметен град“ за 2024 година.

Годинава тоа е Париз, а француската престолнина доби оценка 91,8 од 100 за поврзување и инфраструктура и 89,1 на технолошкиот пазар на труд, додека оценет е со само 51,4 во зелената инфраструктура, за вкупен резултат од 76,4.

Париз го престигна Лондон – победникот од 2023 година, кој падна на второто место со резултат од 73,1, но постигна многу подобар резултат особено во зелената инфраструктура, со 63 во таа категорија. Третото место му припадна на Амстердам со вкупно 72,8, но импресивни 75,4 во зелената инфраструктура, највисоко на листата. Берлин е четврти со 69, а Мадрид петти со вкупен резултат од 68,5.

Листата на топ 10 паметни градови во Европа:

1. Париз

2. Лондон

3. Амстердам

4. Берлин

5. Мадрид

6. Лисабон

7. Стокхолм

8. Луксембург

9. Даблин

10. Копенхаген