За прв пат во историјата Светската фудбалска куќа (ФИФА) објави ранкинг за национални футсал тимови, а на истиот Македонија се наоѓа моментно на 58 место со 1019 поени.

Во однос на ФИФА ранкингот за фудбалските репрезентации, во светот на футсалот сликата изгледа доста поинаква.

Бразил е на првото место со 1568 поени, пред Португалија (1527), а на третата позиција е Шпанија со 1514.

Редоследно од четвртото до 10 место се наоѓаат Иран, Аргентина, Мароко, Русија, Казахстан, Тајланд и Франција.

Објавен е и футсал ФИФА ранкинг во женска конкуренција, каде исто така водечки е Бразил (1364 поени), а Македонија нема свој национален тим на оваа ранг листа.