Фудбалерот од Габон, Пјер-Емерик Обамејанг (36) од следната сезона ќе настапува за францускиот клуб Олимпик Марсеј.

Искусниот напаѓач веќе го носеше дресот на Олимпик Марсеј во периодот од 2023 до 2024 година со 34 натпревари и 17 голови.

Обамејанг ќе го напушти тимот на Ал Кадсија од Саудиска Арабија како слободен агент. За Ал Кадсија имаше 32 настапи и 17 погодоци.

Како што известува Фабрицио Романо, Обамејанг ќе потпише договор на две години со Олимпик Марсеј кој минатата сезона го освои второто место во Лига 1, и следната сезона ќе игра во групите на Лигата на шампионите.

Обамејанг во својата клупска кариера со Борусија Дортмунд освои една титула во Купот на Германија, а со Арсенал дојде до пехарот во ФА купот, а беше финалист во Лигата на Европа во сезоната 2018-19.