Кениецот Нуни Омот повеќе не член на МЗТ Скопје Аеродром, откако и двете страни се согласија да го раскинат договорот.

„Причината за предвременото заминување на Омот се семејните проблеми поради кои не можеше целосно да им се посвети на професионалните обврски, и да биде максимално сконцентриран на настапите за нашиот тим. Сериозноста на овие проблеми наложува тој да биде заедно со своето семејство во САД, па со оглед што не беше познато кога тие ќе се решат и кога тој би можел да се врати во Македонија, заеднички е заклучокот дека најдобро за двете страни е договорот да биде раскинат“, стои во соопштението на „металците“.

Нуни Омот во петте настапи во АБА2 лигата имаше просек од 14.2 поени и 3.8 скокови, додека во домашниот шампионат на двете средби кои ги одигра просечно реализираше 18,5 поени, 4,5 скока.