„Верувам дека темелите на новото Скопје беа темели на солидарност и соживот, а новото Скопје се темели на пријателство и нови модерни ветришта, порача вечерва скопската градоначалничка Данела Арсовска на отворањето на изложбата насловена „За Скопје со срце од целиот свет“.

„Денеска се сеќаваме на катастрофалниот земјоторес, кој токму на овој ден го спомнуваме и сакаме да го посветиме на над 1000 загинати и над 1000 повредени наши сограѓани кои беа жртви, а беше причинета и голема материјална штета како резултат од големиот земјотрес“, рече Арсовска.

Изложбата во Младинскиот културен центар (МКЦ) е дел од одбележувањето на 59-годишнината од катастрофалниот земјотрес во Скопје.