Повеќето родители се борат со недостаток на сон – но некои пингвини смислиле начин да се одморат. Според една нова студија објавена во списанието „Саенс“ (Science), антарктичките пингвините кои се гнездат, дневно отспиваат по 10.000 пати. Но, нивните дремки се кратки и траат околу четири секунди, пишува „Фокс њуз“.

Истражувачи од повеќе земји, предводени од Истражувачкиот центар за невронаука во Лион, Франција, ја спроведоа студијата со одгледување пингвини и користење на далечински мониторинг на електроенцефалограм (ЕЕГ), кој ги детектира промените во активноста на мозокот. 10.000 дремки од четири секунди додаваат до 11 часа сон во текот на денот, што истражувачите го сметаат за адекватен сон за родителите пингвини.

„Ако микросонот ги исполнува функциите на спиењето, тогаш животните кои треба да бидат будни би можеле да прибегнат кон оваа стратегија за спиење“, сугерира студијата.

Иако микроспиењето е забележано и кај други видови, вклучувајќи ги и луѓето, истражувачите велат дека нивното откритие кај пингвините било невообичаено. Тие веруваат дека овој тип на сон „може да биде адаптација за да се справат со потребата да останат будни и да го заштитат своето јајце додека сè уште имаат корист од спиењето“.