Македонскиот репрезентативен голман Мартин Томовски денеска можеби ја имаше најдобрата партија сезонава во дресот на Лудвигсхафен.

Нашиот чувар на мрежата запиша вкупно 17 одбрани во победата на неговиот клуб против Ерланген (19:24) во рамките од 29 коло во Бундеслигата.

Кај стрелците во триумфот најмногу придонесоа Вагнер со седум и Дурак со шест погодоци, а на спротивната страна пет голови беа дело на Селин.

Лудвигсхафен и натаму се бори за опстанок во најсилното германско првенство, моментно е на 17 позиција со 15 бодови.

Потсетување дека од следната натпреварувачка сезона 2021/2022 Томовски ќе ги брани боите на Вардар 1961.

Фото: facebook.com/eulenludwigshafen