Навивачот на грчкиот фудбалски клуб АЕК Атина, Михалис Кацурис беше убиен по нападот на хрватските хулигани што се случи ноќта пред натпреварот меѓу грчкиот тим и Динамо Загреб во квалификациите на Лигата на шампионите.

Грчкиот портал „newsit.gr“ пренесува дека истражителите се сигурни дека меѓу 98-те уапсени е и убиецот на 29-годишниот Михалис Кацурис.

Во нападот на навивачите на Динамо во кој беше избоден навивач на АЕК, пишуваат дека убиецот оставил трага од ДНК на настраданиот млад човек. Властите ги идентификуваат сите уапсени земајќи генетски материјал за да го споредат со оној пронајден на облеката на жртвата.

Како што тврди порталот, убиецот на Михалис по злосторството се погрижил да го сокрие ножот. Полициската потрага по ножот кој всушност е клучен доказ е во тек. Засега нема вести дека е пронајден. Се земаат изјави на очевидци, се анализираат видео снимки од местото на настанот.

За истрагата е задолжено Одделот за спортско насилство, потпомогнат од полициски службеници од Одделот за убиства. Истиот тој оддел бил запознаен со доаѓањето на хрватските хулигани и писмено ги известил надлежните служби за да ги уапсат и да спречат тепачка, се наведува на веб-страницата.

Во меѓувреме проговори и тетката на Михалис која го коментираше инцидентот во кој трагично загина нејзиниот внук.

Динамо Загреб би можел да биде исфрлен од Европа?!

Динамо Загреб би можел да биде исфрлен од Европа?!

ВИДЕО | Трагедија во Атина: Навивач на АЕК загина во судир со „Бед Блу Бојс“