Фудбалската репрезентација на Македонија ова лето за прв пат во историјата беше дел од континенталниот собир и иако доживеа три порази прикажа солидни игри против Австрија, Украина и Холандија.

Сега фудбалерите кои веќе имаат нов селектор, на Игор Ангеловски му истече договорот и на негово место е поставен довчерашниот селектор на младата репрезентација Благоја Милевски, ќе имаат огромни шанси да бидат редовни учесници на Европските првенства.

„Асошиејтед Прес“ денеска открива дека УЕФА ја разгледува можноста Евро 2028 година да се прошири на дури 32 репрезентации, а конечната одлука се очекува да биде донесена до крајот на 2023 година.