Нов скап моден додаток од Баленсијага: По кесите за ѓубре сега продаваат обетки од врвки за патики
Францускиот моден бренд „Balenciaga“ претстави нов моден додаток – обетки од врвки, кои се продаваат за приближно 250 долари.
Препорачано
Откако го привлекоа вниманието со искинати патики и вреќи за ѓубре кои ги продаваа за вртоглава сума на пари, модниот бренд претстави нов моден додаток.
Воведувањето на обетките наиде на критики од корисниците на социјалните мрежи кои велат дека брендот не е во контакт со реалноста.
„Баленсијага само се обидува да види со што можат да се извлечат… и победуваат секој пат“, објави еден корисник на „Твитер“. Друг твитна: „Ако богатите деца до сега не можат да видат дека „Balenciaga“ ги трола, не знам какви уште докази им се потебни“.
Después del bolso-bolsa de basura de casi 2.000 euros, llega el nuevo accesorio polémico de @BALENCIAGA: unos pendientes que son dos cordones de zapatos…
Su precio es de 195€ ➡️ ¿Opiniones?#Moda #Actualidad #Balenciaga #demnagvasalia #tendenciasmoda #Grazia pic.twitter.com/qPzzatBhHs
— Grazia España ??♀️ ? (@Grazia_es) August 17, 2022
Вајарди, популарен инфлуенсер на социјалните мрежи познат по своите комични скечеви, ја истакна апсурдноста на обетките. Тој предложи апсурдна употреба на популарните секојдневни производи и даде визуелни примери за нивната нова „употреба“. Вајарди саркастично ги понуди своите услуги на компанијата, наведувајќи дека тие можат да имаат корист од неговите „идеи“.
ФОТО | Би го купиле ли новиот бизарен тренд на „Баленсијага“? Ќесе за отпадоци за 1.790 долари
Ова не е првпат луксузниот бренд да биде ставен под лупа. На почетокот на оваа година, „Balenciaga“ ја лансираше својата озлогласена „Trash Pouch“, чанта за која Демна, креативниот директор на брендот, призна дека е директно инспирирана од вреќа за ѓубре.
It’s been proven to me more and more that nonsense sells. ??♂️#Balenciaga pic.twitter.com/czl7l6kOp8
— ?ORTLAND ➲ ?IN (@iamGeeIsland) August 17, 2022
Црно-белите врвки се врзани во машна и се прикачени на метален продолжеток на кој е испечатено името на брендот. Бидејќи споменатите парчиња предизвикаа бројни реакции на социјалните мрежи, вниманието го привлекоа и новите обетки бидејќи се работи за многу едноставен дизајн, за кој треба да се издвојат значителна сума на пари.
