Нов пожар рано утрово изби во скопската населба Пинтија.

Директорот на Дирекцијата за заштита и спасување, Стојанче Ангелов информираше дека утрово пред 4.00 часот избил тежок пожар во сервис за возила над „Стаклара“ во местото наречено Каменик, во кој имало повеќе автомобили, масло за автомобили и други запаливи предмети.

„БППЗ Скопје веднаш излезе на лице место и со 8 возила после тешка борба со огнот, пожарот беше изгаснат пред 6.00 часот“, изјави Ангелов.

Центарот за управување со кризи соопшти дека на територијата на државата има вкупно 13 пожари на отворен простор, од кои 1 е активен, под контрола се 2 пожари, а изгаснати се 10 пожари.

Сè уште гори во Општина Гевгелија: Кожуф планина кај с. Петрово (приземен пожар, лисна маса);

Под контрола се ставени пожарите во депонијата „Дрисла“ и во село Трубарево.