Македонскиот кошаркарски репрезентативец Ненад Димитријевиќ сезонава со Уникс Казан имаше одлични перформанси во рамките од ВТБ лигата во чие натпреварување беше прогласен за најкорисен играч (МВП).

Со Уникс Казан успеа да стигне до финалето во ВТБ лигата во кое подобра беше екипата на ЦСКА Москва.

Во изминатиот период излегоа информации дека италијанскиот клуб Олимпиа Милано наводно веќе се договорил со нашиот плејмејкер.

Покрај Италијанците, уште еден член од Евролигата покажува интерес за Димитријевиќ, станува збор за Басконија од Шпанија.

Нено во тимот предводен од Велимир Перасовиќ во регуларниот дел од сезоната имаше просек од 19 поени, 3,6 скокови и 6,6 асистенции по меч, а во плеј-офот на ВТБ лигата 17,6 поени и 7,5 асистенции.

Ланската сезона во Евролигата Басконија стигна до четвртфиналето каде со 3:0 загуби од Реал Мадрид.