Кошаркарите на Њујорк се пласираа во финалето на Источната конференција во НБА лигата, за прв пат од 2000 година, откако убедливо го победија бранителот на титулата Бостон со резултат од 119:81 во шестиот натпревар од полуфиналната серија.

Вп „Медисон Сквер Гарден“, Никс до триумф во серијата од 4:2 го предводеа Огугу Ануноби и Џејлен Бренсон со по 23 поени, Мајкл Бриџис постигна 22, а Карл-Ентони Таунс постигна 21 поен и запиша 12 скокови.

Кај Селтикси, во отсуство на повредениот Џејсон Тејтум, најдобар беше Џејлен Браун со 20 поени.

Во финалето на Истокот, Њујорк ќе игра против Индијана, која претходно го елиминираше Кливленд (4:1).

Серијата започнува ноќта помеѓу среда и четврток, а Њујорк има предност на домашен терен.