Жителите во Скопје, учениците, пензионерите, сите кои живеат во метрополата, од понеделник ќе имаат тешки маки со превозот. Покрај проблемот со недостатокот на автобуси во ЈСП, ќе недостигаат и приватните, бидејќи приватните превозници одлучија да возат со редуциран возен ред.

Како што едногласно одлучиле, приватните превозници ќе сообраќаат на една линија само по еден автобус и тоа еднаш во денот, наутро или навечер. Според овој план, возилата ќе одат од прва до последна станица и назад, а потоа се исклучуваат, што значи дека ќе недостасуваат 150 автобуси.

Оваа одлука следува откако од ЈСП не добија позитивен одговор за исплата на нивниот долг, ниту за покачување на цената по километар.

Бидејќи на седницата на Град Скопје не помина одлуката за потребата од набавка на нови еко автобуси, директорот на ЈСП, Драги Кушовски, рече дека ќе се обиде да бидат поправени околу 40 автобуси кои би биле пуштени во сообраќај, што е далеку зад бројката од 150, кои недостасуваат.

Од жештината 10 до 15 колапси дневно, луѓе се онесвестуваат на автобуски станици, на работа, во автобуси