Ништо ново во Формула 1, пол позицијата за Хамилтон
Возачот на Мерцедес, Луис Хамилтон ја освои пол позицијата пред трката за Големата награда на Бахреин која ќе се вози утре.
Британецот на патеката „Сакир“ дојде до 98. пол позиција во кариерата откако во квалификациите имаше најдобро време од 1:26.264 минути што е нешто помалку од три стотинки побрзо во однос на времето на неговиот клупски колега, Валтери Ботас.
Препорачано
Третото најбрзо време во квалификациите го имаше возачот на Ред Бул, Макс Ферстапен.
Хамилтон кој веќе ја обезбеди седмата шампионска титула со што се израмни со Михаел Шумахер, беше недопирлив за време на квалификациите и не дозволи неизвесност во битката за пол ползицијата.
Единствено Ботас и Ферстапен беа до четири десетинки поспори од Британецот во квалификациите, останатите не беа во конкуренција. Најдобар меѓу останатите беше вториот возач на Ред Бул, Александер Албон кој имаше една секунда поспоро време од Хамилтон, а шест десетинки во однос на клупскиот колега.
Петтото најбрзо време му припадна на Серхио Перез од Рејсинг Поинт по што следеше двоецот од Рено, Даниел Рикиардо и Естебан Окон. Најдобрите 10 возачи во квалификациите ги комплетираа Ландо Норис од Мекларен и Данил Квјат од Алфа Таури.
