Бендот „Нирвана“ го доби судскиот спор против граѓанин чија фотографија е на омотот на нивниот албум „Nevermind“ од 1991 година.

 Спенсер Елден тогаш, фотографиран како голо четиримесечно бебе, беше на омотот на албумот на „Нирвана“, а тужбата ја поднел за „детска порнографија“.

Американскиот окружен судија во Лос Анџелес, напоменал во одлуката, дека Елден чекал многу долго да ја обвини „Нирвана“ за сексуална експлоатација, бидејќи поминале 10 години откако дознал за омотот.

Во овој предмет, обвинети беа членовите на музичката група Дејв Грол и Крист Новоселиќ, вдовицата на поранешниот пејач Курт Кобејн, Кортни Лав, неколку издавачки куќи и фотографот Кирк Ведл.

„Нирвана“ за својот албум, односно за омотот, користела фотографија што ја направил Ведл во 1991 година на базен во Пасадена, Калифорнија, на која се гледа како Елден плива гол кон банкнотата од долар прободена со јадица.

„Долготрајната неправда што ја претрпе вклучува, но не е ограничена само на, екстремна емоционална болка со физички манифестации, нарушување на неговиот нормален развој и образовен напредок, губење на работни места, трошоци за медицинско и психолошко лекување…“ се наведува, меѓу другото, во тужбата поднесена од Елден.

Спенсер Елден првпат поднесе тужба во август 2021 година, барајќи отштета од 150.000 долари од секој од 15-те обвинети.

Албумот „Nevermind“ е продаден во повеќе од 30 милиони примероци.

ФОТО | 30 години подоцна: Бебето од омотот на „Нирвана“ го тужи бендот за порнографија

Судијата ја отфрли тужбата за насловната фотографија од бебето на албумот на Нирвана „Nevermind“

Бебето од култниот албум „Nevermind“ не се откажува: Повторно ја тужи Нирвана