Европската ракометна федерација (ЕХФ) ги објави официјалните лица за натпреварите од првото коло во Лигата на шампионите.

Македонската елитна судиска двојка, Славе Николов и Ѓорѓи Начевски, ќе имаат чест да го делат правдата на еден од дерби-дуелите во групата Б, каде што настапува и Еурофарм Пелистер.

Нашите најдобри арбитри се делегирани на мечот помеѓу унгарскиот гигант ПИК Сегед и полскиот шампион Висла Плоцк, кој ќе се одигра следната недела. Натпреварот е закажан за 11 септември од 18:45 часот во „ПИК Арена“ во Сегед.

За делегат на овој дуел ЕХФ го назначи Словенецот Јанко Пожежник.