Поранешниот тренер на Баерн и Волфсбург, Нико Ковач е опција за нов менаџер на англискиот фудбалски клуб Ливерпул, тврди „Дејли Мејл“.

„Црвените“ бараат замена за Јирген Клоп кој си заминува на крајот од сезоната. Досега се веруваше дека тренерот на Спортинг Лисабон, Рубен Аморим е фаворит, но медиумите во Англија пишуваа дека опција е и Хрватот.

Ковач е слободен агент откако претходно во сезоната доби отказ од Волфсбург.

Изворот пишува дека претставници на тренерот биле во Англија, кои имале средби со неколку клубови од Премиер лигата, меѓу кои и Ливерпул.

Интерес за него има и од екипи од Бундеслигата. Ковач е нешто изненадувачка опција за Ливерпул, бидејќи досега не успеа како тренер и на Баерн и на Волфсбург. Го водеше и Монако.