Легендарниот НФЛ играч Том Брејди стана ко-сопственик на тимот Лас Вегас Рејндерс, пренесуваат странските медиуми.

Седумкратниот освојувачот на Суперболот кој се повлекуваше неколку пати ќе остане во спортот кој толку многу подари и толку многу му даде.

„Неверојатно сум возбуден што едногласно бев одобрен како ко-сопственик на Лас Вегас Рејндерс. Овој спорт секогаш беше голем дел од мојот живот, а придружувањето на Рејндерс го чувствувам како патување кое конечно го заокружив. Сакам да ја почитувам традицијата на Рејндерс, но истовремено и да понудам начин тимот да напредува. Благодарен сум на Марк Дејвис, комесарот Гудел и сите кои ме поддржуваа. Благослов е што ќе бидам повторно дел од НФЛ. Со нетрпение чекам да започнам“, објави Брејди.

Во кариерата во НФЛ Брејди се прослави носејќи го дресот на Патриотс и Баканирс. Рејндерс во овој момент се последни во својата дивизија со скор 2-4, но се уште имаат шанси да се приклучат во битката за плеј-офот.