Нежна и трогателна приказна носи графичкиот роман „Бранови“ во издание на „Артконект“
Издавачката куќа „Артконект“ од Скопје го објави графичкиот роман „Бранови“ од Ингрид Шабер (авторка на текстот) и Карол Морел (илустраторка). Англиското издание на оваа книга ја доби наградата „Харви“ за најдобар европски стрип.
Препорачано
-
1
-
2
-
3
Приказната е за две жени чијшто живот целосно ќе се промени откако едната од нив ќе забремени. Убавата вест за бременоста наскоро ќе биде заменета со целосна трагедија, за сметка на која двете жени ќе треба да ја редефинираат нивната релација и нивните очекувања, во потрага по различна надеж и уште посилна љубов и поврзување.
Зборувајќи за мајчинството и семејството, „Бранови“ ги поместува границите на графичкиот роман како жанр така што ни пренесува една нежна и трогателна приказна во која на неочекуван начин главната улога ја добива љубовта.
Книгата е објавена во рамките на проектот „Соочување со неизвесноста: современа европска литература“, којшто издавачката куќа „Артконект“ го реализира со поддршка на програмата „Креативна Европа“ на ЕУ. Преводот е на Елисавета Поповска.
(Текстот е објавен во „Културен печат“ број 258, во печатеното издание на весникот „Слободен печат“ на 30.11.-01.12.2024)
