Израелскиот премиер Бенјамин Нетанјаху изјави дека датумот за инвазија во Рафа е веќе одреден, според видеото објавено на неговиот официјален профил на Телеграм. Нетанјаху не кажа кој е точниот датум, пишува Си-ен-ен. 

Тој исто така рече дека „влезот во Рафах“ е неопходен за „целосна победа над Хамас“.

Коментарите на Нетанјаху доаѓаат откако Израел соопшти дека се повлекол од Кан Јунис во јужниот дел на Газа по неколкумесечни жестоки борби кои оставија голем дел од градот во урнатини.

Рафах, каде се проценува дека се засолнети околу 1,5 милиони Палестинци, се наоѓа во најјужниот дел од опколената енклава.