Кошаркарскиот агент Мишко Ражнатовиќ во интервју за Crosarka.com имаше едно изненадувачко предвидување за Светското првенство во Кина.

– Србија и покрај повредите доаѓа на СП во еден многу добар состав со голема самодоверба. Отказите навистина го погодија тимот на САД и тоа дава надеж дека тој меч во најмала рака ќе биде рамноправен. Генерално цела нација очекува реприза од Индијанаполис и во фаза на исчекување на почетокот на турнирот – рече Ражнатовиќ.

Иако самиот признава дека никогаш не се прославил како добар прогнозер, смета дека годинава САД не го освојува златото.

– Мислам дека во финалето ќе се најдат селекциите на Србија и Грција, а борбата за бронзата ќе се води меѓу Шпанија и САД – додаде Ражнатовиќ.

Светскиот кошаркарски шампионат во Кина ќе стартува на 31 август.