Српскиот бек Немања Недовиќ (34) официјално потпиша договор на една година со францускиот кошаркарски клуб Монако.

Недовиќ доаѓа во Монако откако го заврши својот втор мандат во Црвена звезда. Иако се шпекулираше дека ќе ја продолжи соработката со белградските „црвено-бели“, одлучи да ја продолжи кариерата во Франција.

Недовиќ има значајно искуство на најголемата европска сцена, почна да игра во Евролигата од 2012 година.

– Немања Недовиќ е разновиден и искусен играч, кој играше во врвните европски лиги и кратко време играше во НБА, откако Феникс санс го драфтуваше како 30. на драфтот во 2013 година, само за веднаш да биде испратен во Голден стејт вориорс. Тој беше дел и од српската репрезентација, со која го освои сребрениот медал на Олимписките игри во Рио во 2016 година, откако загуби во финалето од репрезентацијата на САД, против која го предводеше својот тим по постигнување поени со 14 поени (6/10 шут) – се вели во соопштението на Монако.

Инаку Монако минатата сезона играше во финалето на Ф4 турнирот во Евролигата во кое загуби од турскиот Фенербахче.

Nemanja Nedovic atterrit sur le Rocher ! 🇲🇨

L’arrière serbe (34 ans, 1,92 m) arrive en provenance de l’Étoile Rouge de Belgrade pour prendre feu derrière l’arc 🎯 🇷🇸

Bienvenue Nemanja ! 🙌

🗣 Retrouvez le communiqué officiel et sa réaction sur notre site 📝

🔗… pic.twitter.com/PLTPgjy8lh

— AS Monaco Basket 🇲🇨 (@ASMonaco_Basket) September 6, 2025