Понудата од неименуван саудиски фудбалски клуб од една милијарда евра за Винисиус Жуниор е повлечена, бидејќи Реал Мадрид планира да склучи нов договор за својата ѕвезда, пишуваат шпанските медиуми.

Бразилецот е една од главните цели на Саудиската професионална лига, која сака да привлече уште поголем број „мега“ поларни фудбалери на Блискиот Исток.

Винисиус има договор со Реал до 2027 година, но преговорите за продолжување наводно неодамна се заглавени бидејќи тој сака да стане најплатениот играч во клубот.

Според неколку извори, Саудијците биле подготвени да му платат на Реал 350.000.000 евра отштета, а на Винисиус договор од една милијарда евра, што би бил убедливо најголемиот трансфер во историјата на фудбалот.

Според „АС“, петгодишниот договор вреден една милијарда евра е повлечен, иако интересот на Саудијците би можел да заживее во иднина.

Се верува дека разговорите меѓу Винисиус и Реал ќе бидат обновени во 2026 година, а Бразилецот претходно изјави дека неговата цел е да остане во клубот.