Поранешниот уредник на катарскиот спортски ТВ канал Беин Спортс, Мохамед Ел Гарбави, смета дека во групата Ц во финалето на баражот за пласман на Мундијалот во Катар, може да не играат фаворизираните Италија и Португалија, туку Македонија и Турција.

„ Нема да бидам изненаден доколку во групата Ц гледаме финале Македонија – Турција. Формата на фудбалерите до март може да се смени, а се игра еден натпревар. И доколку добро се браните може да дојдете до билет за СП “, напиша Ел Гарбави на својот профил на Твитер.

I will not be surprised if it will be North Macedonia vs. Turkey in the final of Path C. Players’ forms might change by March and it is only one match. If you defend well you can get a World Cup ticket. https://t.co/73CQrtwGwy

— Mohamed El Gharbawy (@Gharbawy) November 27, 2021

На ждрепката која се одржа во петокот, Македонија за противник во полуфиналето на баражот за пласман на Светското првенство во Катар го доби актуелниот европски шампион Италија. Во второто полуфинале ќе играат Португалија и Турција. Полуфиналните натпревари се закажани за 24 март идната година, а финалето ќе се игра пет дена подоцна.