Фудбалерите на ПСЖ на убедлив начин ја започнаа одбраната на титулата во Лига 1 со триумф од 0:5 на гостувањето кај Клермон.

Натпреварот го одбележа Нејмар кого управата на ПСЖ се обидуваше да го продаде во преодниот рок. Но, Бразилецот со прикажаната игра против Клермон покажа дека се наоѓа во одлична форма на стартот од сезоната.

Нејмар веќе во деветтата минута на асистенција на Лионел Меси го отвори резултатот, а потоа до крајот на првиот дел им асистираше на Хакими и Маркињос за убедливи 0:3 за ПСЖ.

Во второто полувреме, Нејмар му ја врати услугата на Меси, му асистираше на Аргентинецот за првиот го двата гола. Меси конечниот резултат го постави по додавањето на Леандро Паредес во 86 минута.