Заборавете на традиционалните салати од кои сте сигурно презаситени. Имаме вкусна идеја за вас. Дали сте пробале розова кускус салата? 

Состојки:

• чери доматчиња
• 1 чаша сечкано зелје или блитва
• 10-12 свежи листови лобода (по желба)
• малку кромид
• 1 рака листови од рукола
• ½ страк магдонос
• свежо цеден сок од лимон
• ½ лажица балзамико оцет
• 1 лажица јаболков оцет
• 1 лажица маслиново масло
• сол и црн пипер

За прелив:

• 2 лажици таан
• 1/3 филџан вода
• 1/3 лажичка хималајска сол
• прстофат црн пипер

За вариво:

• 250 г кускус
• 1 литар вода
• 1 лажичка хималајска сол
• 1 лажичка маслиново масло

Подготовка:

Сварете го кускусот во водата посолена со сол и зачинета со масло. Потоа исцедете го и измијте го во ладна вода. Ставете го во сад и додајте ги останатите додатоци: зелјето, перцата од кромид, руколата, магдоносот, сите ситно сечкани и ренданото цвекло. Ако користите лобода, листовите измијте ги и избланширајте во врела вода, потоа исечкајте ги и додајте ги во салатата. Зачинете со сок од лимон, двата вида оцет, сол, црн пипер и масло. Измешајте. Во сад измешајте го таанот со водата, солта и пиперот, додека добиете хомогена смеса со која ќе ја прелеете салата. Измешајте и сервирајте.